鋿晶館

營業中

休息中

新派型格燒味系列有成十幾樣嘢揀，啲名都好特別吖，我哋揀咗“老爺子半肥不瘦蜜餞叉燒”，呢個叉燒認真唔錯，物如其名半肥不瘦，味道適中好滋味；“金衣芙蓉大蝦球”呢個就係有我最鍾意嘅大蝦啦，蝦的表面舖上一層蛋黃，猶如金色的外衣，仲有D花生碎點綴，似朵盛開的芙蓉花，我的理解道餸就因此而得名，唔知啱唔啱呢？啲蝦真係好大隻㗎，我一口吞唔落肚，哈哈；“台南度小月鮮菌牛仔骨”係我朋友鍾意之物，大大舊食得滿足，D菌有幾隻唔同類型的菇類，好入味，差不多我一個人食晒。“日本紫心番薯浸豆苗”又係個特別我未曾試過的新菜式，聽講本店師傅係日本做過大廚，幾出名㗎，咁見過世面，多諗頭好正常，呢個餸可以食到番薯粒粒，好鬼得意，豆苗亦好新鮮嫩滑。“龍蝦湯瑤柱燴海皇羹”和豆苗道餸一樣，都係用個好靚嘅盎仔盛住，更顯矜貴，而事實呢個海皇羮亦認真足料，龍味湯味濃郁，有好多小龍蝦肉/蝦肉，飲落好滿足。