三代目 (愉景新城)

營業中

休息中

北角嗰間三代目就食過幾次，唔知愉景新城呢間嘅水準有冇唔同。早幾日同朋友去試，叫咗碗辛燒豚梅肉拉麵、味噌甲羅燒同幾款唔同嘅串燒嚟送酒。嗰碗拉麵好有水準，湯底好濃，加上小小辛辣味，豚肉又煮得唔鞋，拉麵仲係幾彈牙添。至於味噌甲羅燒就好新穎，可以慢慢將各樣嘢撈埋一齊食，味道都好鮮甜。串燒都好多選擇，上枱時仲幾熱，好過其他店舖咁放咗陣間先出嚟，食完又叫多幾款。如果想食啲具水準嘅居酒屋食物，三代目係一個唔錯嘅選擇。