吾系茶記 (已結業)

放假路經呢間「吾系茶記」，見到早餐款式都幾多選擇，加上新裝修，環境乾淨企理，就入黎試下🤩點左個茄湯配蕃茄牛肉通粉配煎蛋加牛油厚多士，真係同餐牌形容既一模一樣，係新鮮既蕃茄湯配牛肉通粉，比平時食開既鮮茄濃湯淡味，湯底飲落係好清既新鮮蕃茄味🍅 煎蛋方面，如果呢個價錢$40的話，煎雙蛋都不會太過份，可惜係普通煎蛋，有點到喉唔到肺😅成份早餐既加分位會係杯熱奶茶，係做到茶味濃郁，飲落口感香滑😋食完埋單出黎，已經到午市時間，午餐黎講，選擇係頗多既一間餐廳，有成14個選擇咁多👍🏻😍