影片
更多
2020-11-22
228 瀏覽
一段時間無見呢位朋友，去咗SUSOSHU食新派日本菜！餐廳環境清雅，我哋選擇坐喺吧枱，一邊食一邊睇師傅準備食材。雖然係新開，但餐廳當晚都有唔少客人呢！SUSOSHU以壽司、蕎麥麵同三大元素做主打，我哋索性點晚市套餐，包11款日本新派菜式及甜品，一次過試齊呢三大元素。先濕一濕紙巾，清潔雙手。 餐廳用test tube盛載水，客人再自行倒水在濕紙巾上，玩味十足！先上第一道菜－－櫻花蝦紫菜卷櫻花蝦包住紫菜來炸，炸得香脆可口而不油膩，係非常香口嘅一道小食。蟹肉甘蝦配土佐酢果凍松葉蟹肉與甘蝦肉雙重鮮味，食之前將面頭嘅愛知縣食用花摘下混和蟹肉及蝦肉一齊食，食到陣陣怡人花香。蟹肉本身只以海鹽調味，可以食到食材原始鮮味，特別嘅地方在於墊喺底嘅wasabi葉，比平時磨咗嘅wasabi少咗一份攻鼻，但又有大大提鮮嘅效果。宮城縣鮮帆立貝刺身日本宮城縣撈起後就即用海水洗，送到香港仍然會收縮，所以非常新鮮！帆立貝非常厚切大粒，肉質柔軟，味道鮮甜，真好食！鰹魚刺身鰹魚而家時令，呢個季節特別肥美，師傅仲要用上鰹魚腩位，油脂香特別豐腴。鰹魚除咗用蒜頭醃製，仲巧妙地配搭西式香料百里香，令到味道同香味更有層次！松葉蟹肉茶
SUSOSHU以壽司、蕎麥麵同三大元素做主打，我哋索性點晚市套餐，包11款日本新派菜式及甜品，一次過試齊呢三大元素。
先濕一濕紙巾，清潔雙手。 餐廳用test tube盛載水，客人再自行倒水在濕紙巾上，玩味十足！
先上第一道菜－－櫻花蝦紫菜卷
櫻花蝦包住紫菜來炸，炸得香脆可口而不油膩，係非常香口嘅一道小食。
蟹肉甘蝦配土佐酢果凍
松葉蟹肉與甘蝦肉雙重鮮味，食之前將面頭嘅愛知縣食用花摘下混和蟹肉及蝦肉一齊食，食到陣陣怡人花香。蟹肉本身只以海鹽調味，可以食到食材原始鮮味，特別嘅地方在於墊喺底嘅wasabi葉，比平時磨咗嘅wasabi少咗一份攻鼻，但又有大大提鮮嘅效果。
宮城縣鮮帆立貝刺身
日本宮城縣撈起後就即用海水洗，送到香港仍然會收縮，所以非常新鮮！帆立貝非常厚切大粒，肉質柔軟，味道鮮甜，真好食！
鰹魚刺身
鰹魚而家時令，呢個季節特別肥美，師傅仲要用上鰹魚腩位，油脂香特別豐腴。鰹魚除咗用蒜頭醃製，仲巧妙地配搭西式香料百里香，令到味道同香味更有層次！
松葉蟹肉茶碗蒸
茶碗蒸嫩滑富蛋香，入面有絲絲蟹肉，鮮甜味美。
跟住係季節壽司4貫，呢部分係師父發辦，用上當晚最新鮮嘅食材，所以每晚食到嘅壽司都可能會略有不同。
千葉縣金目鯛
北海道鰤魚
醋漬小肌
秋刀魚
呢四款壽司都係而家時令，四款魚味都比較重，好啱我口味！
金槍魚腹壽司
金槍魚魚味甘香，魚腹位置魚油豐腴，入口即溶，
海膽壽司
海膽份量慷慨，層層堆疊，海膽色澤金黃，入口鮮甜。
煙燻熊本A4和牛
熊本和王A4和牛以蘋果木煙燻，三成熟上碟，令和牛保留嫩滑juicy嘅肉質，同時不失濃郁嘅牛味，入口還散發陣陣煙燻香氣。旁邊嘅沙律都好好食，因為師傅係用上有機水耕菜以及自家製菠蘿片，非常新鮮爽甜，配以牛骨熬成嘅燒汁，更添惹味！
蕎麥麵
蕎麥麵非常出色，用全蕎麥粉無添加小麥粉製成，蕎麥味道突出。而且口感彈牙爽滑，好食！我特別欣賞湯頭用上蝦乾，非常鮮甜濃郁。師傅建議蕎麥麵首先試下蘸蝦乾湯頭，接著加蔥試試傳統風味，最後加入少許香檸提鮮。每種食法都有不同風味，各有特色。
季節甜品
最後嘅星空寒天甜品則配合「日本酒」主題，加入兩款日本清酒，酒香十足，味道不俗！我去之前睇IG一直以為呢個係富士山造型，師傅糾正其實係星空主題呀，哈哈！
餐廳仲貼心地準備好精美嘅口罩套！好靚！
張貼
