大安茶冰廳

營業中

休息中

最近返查香港越來越少懷舊嘅餐廳，喺網上見呢間餐廳感覺行懷舊風，所以專登嚟呢間餐廳試吓，可能因為早嘅關係，中午12點前，亦因為我一個人嘅關係，所以唔需要等位就可以直接入座。本來諗住對面個座位都會比其他食客坐，但係侍應並冇叫其他人坐我對面個位，大概食咗一個鐘頭，都係冇人坐我對面。雖然食物價錢有啲貴，餐牌大部份食物都係一啲非主流嘅配搭，其實感覺似一間Cafe多個似一間懷舊冰廳。壹加壹咖啡可以比食客一次試過兩種唔同嘅咖啡口味，感覺唔錯，黑啤肉醬配牛脷酥呢個配搭好特別，之前未試過，但係食得多會比較膩。整體上嚟講食物質素OK價錢偏貴少少。