Banabana (已結業)

近排天氣持續炎熱，行街經過間新開既果汁店, 依間果汁店最吸晴既地方就係可以拎住架小火箭, 然後將你想飲既水果味道放入去小火箭入面, 然後去付款, 有得慢慢揀同慢慢玩, 好有創意, 打破傳統果汁店售賣形式。而味道方面亦任你配搭, 起碼有廿十款或以上味道供挑選, 依度各種味道亦係旁邊註明左卡路里。最尾我就買左杯西柚+桃+益力多飲。西柚+桃+益力多:西柚味依種生果本身有少少苦澀味, 但配搭埋桃+益力多, 味道好搭同好清新喎。夏日已到, 又要去沙灘同遊船河, 如果減緊肥既朋友, 又嫌棄飲水太DRY, 又驚飲D有味既飲品太肥, 飲果汁簡直係不二之選!!