木船 (已結業)

同個friend無聊入大埔逛逛，去咗太和搵食，呢頭有許多隱世美食，上次自己食過午餐，今次來試試晚餐。店內裝修好有特色，有些壁畫，有些佈置像置身於一艘船中，平日晚飯時間都好多街坊幫襯。過咗立秋天氣依然好熱，點了個青木瓜沙律醒醒胃，這個有少少辣，份量唔細，材料包括青木瓜絲、甘筍絲、車厘茄、提子、櫻花蝦及花生，加了醋汁，酸咪咪，青木瓜好爽口，纖維勁豐富，好健康。Combo 小食拼盆(小)~ 剛剛炸起，好香口，有魚餅、網炸春卷、蔗蝦及泰式炸蝦餅，春卷有芋蓉，好香，這個份量剛剛好 夠兩個人。招牌菠蘿炒飯配虎蝦~ 嘩！兩隻大虎蝦放於菠蘿上，蝦肉新鮮，仲有一串新鮮菠蘿輕輕烤過，又香又甜。炒飯都有新鮮菠蘿粒，飯較軟，好好吃。朋友點了新鮮柚子沙冰，清新柚子味，有柚子肉，好解暑。米紅小象~ 菠蘿蘋果香蕉集一身，估唔到可以咁夾，是一個好好的配搭，推介要試。