木船 (已結業)

行過見到呢間泰式小店裝修好靚，決定試一試佢。餐牌內唔只食物同圖片，仲有得學泰文嫁🤣🤣🤣🤣。首先叫個青木瓜沙律，青木瓜清爽，配合花生、腰果、紅蘿蔔絲仲有新鮮提子。又估唔到佢地咁夾，清新又開胃。之後叫左個小食拼盤，泰式春卷、蝦餅、魚餅加埋個柚子醬，岩岩好抵消左炸野既油膩感，好食！推介👍🏻👍🏻泰式餐廳竟然有煲仔菜，成個煲夠熱又夠香，椰子有咬口，雞亦夠滑，仲要份量極多！！抵食之選🤤🤤尾聲叫多個串燒炒飯，串燒外皮燒到岩岩好有焦脆感同香味，炒飯夠味，有豬肉粒竟然配臘腸😆😆，味道十足！最後叫埋泰式奶茶同埋芒果沙冰，奶茶有椰子味🤤🤤加埋面頭上既鮮忌廉，成杯都好滑。最最最驚喜係個芒果沙冰，沙冰入面竟然有新鮮芒果、爆谷、糯米糍，份量十足之餘可以當甜品share 食！為圓滿既一餐劃上句號。