港嘢茶檔 (已結業)

今日同媽媽去行九龍城買材料煮冬蔭公湯，既然今晚都有泰國嘢食，下午茶就食其他嘢喇，路過見依間茶記裝修得咁懷舊，就一於試下。餐廳入面裝修好有心思，掛咗好多五顏六色嘅舊式招牌。新派懷舊港式下午茶多士大大份，厚多士烘得香脆，滑蛋炒得夠香夠滑，沙爹牛肉沙爹味濃唔過鹹，牛肉夠嫩有牛味。頭抽腸粉色水差少少，頭抽味淡唔夠味，腸粉口感煙韌煎得夠香口，加埋芝麻、韮菜、芽菜一齊食好夾。