滷府 (已結業)

Lunch同同事一齊食滷水飯，比平時燒味舖貴少少，望落舖頭乾乾淨淨，雖然格局同平時嗰d一樣都係隔住玻璃望到入去，一隻隻燒鵝掛起晒，但清潔好多，會多d信心。食物睇落都仲分到邊樣打邊樣，唔似平時全部一樣色。自己真係好少食燒味，除咗叉燒同油雞，因為d滷水野成日整到好深色，d滷水好似好污糟咁。雙拼飯鵝肝同鵝肉飯，再加個百頁豆腐同滷水蛋。點知原來個飯配咗我另加嘅野，哭𠹌咗！any肥，同同事交換！鵝肉好滑，肉好香，無咩滷水過嘅痕跡，食到佢嘅原味。百頁豆腐都係，滷水蛋都還好，深色咗，都係無經過長時間滷水嘅感覺，唔會喧賓奪主如果下次再食，想叫佢多泡菜，超微辣，好開胃嘅配菜。比咗幾兜醬汁我，但唔覺得要點，好似係豉油黎。個飯本身都有滷水汁，夠晒味。