影片
更多
2017-09-14
2643 瀏覽
講到潮洲野，梗係第一時間講打冷啦，今日就同個朋友黎到旺角嘅心夜內潮，試下新派啲嘅潮洲菜。餐廳位於西洋菜街，如果有去過南記都會知道係邊座大廈，不過未食先考考腳骨力，雖然只係2樓，不過對平時零運動嘅我黎講，已經夠我扯蝦一段好長時間。餐廳位置唔算好多，四四方方，入座時剛好7點鐘，客人已經半滿，心裡羨慕仲以為自己今日收7點已經算好早。不過估都唔估唔到，愈食一路愈多人，到埋單嘅時候已經全部滿座，都幾誇張，可能企企理理嘅潮汕菜館唔多裝潢都幾有特色，木枱木櫈，枱面有埋紙巾、濕紙巾，方便客人。可能入座時未算好繁忙，店員都好細心快手幫我地加左水、然後落單未有發生之前食評所言嘅不禮貌對待，反而收銀姐姐臉色有點不太好。餐牌供應砂鍋粥、醬滷類、卜卜蜆煲、小炒、湯品、飯麵等，我同朋友得兩個人，實在唔係食到好多野，點在個粥都已經飽左7成，所以只係加左一碟菜同小食、炸鰻頭，整體黎講，味道都唔錯，難怪平日都爆滿砂鍋粥 $180（鮮魷魚、花甲王、海蝦）：呢度嘅砂鍋粥彈性都幾高，分大煲（$330起）同細煲($180起），各款配料自由配搭送粥底，價錢都好清晰。例如小膏蟹係$120/隻、海蝦$60/份、鮮雞件$40/份、鮑魚
裝潢都幾有特色，木枱木櫈，枱面有埋紙巾、濕紙巾，方便客人。可能入座時未算好繁忙，店員都好細心快手幫我地加左水、然後落單未有發生之前食評所言嘅不禮貌對待，反而收銀姐姐臉色有點不太好。餐牌供應砂鍋粥、醬滷類、卜卜蜆煲、小炒、湯品、飯麵等，我同朋友得兩個人，實在唔係食到好多野，點在個粥都已經飽左7成，所以只係加左一碟菜同小食、炸鰻頭，整體黎講，味道都唔錯，難怪平日都爆滿
砂鍋粥 $180（鮮魷魚、花甲王、海蝦）：
呢度嘅砂鍋粥彈性都幾高，分大煲（$330起）同細煲($180起），各款配料自由配搭送粥底，價錢都好清晰。例如小膏蟹係$120/隻、海蝦$60/份、鮮雞件$40/份、鮑魚$20/隻等等，總之湊夠$180就係一煲細粥。
咁我地揀左鮮魷魚、花甲王、海蝦，各$60/份，送粥底，約莫都分到6碗，兩個人夠哂。砂鍋粥即叫即做，雖然話就話需時30分鐘，不過最終都係等左廿分鐘左右，新鮮熱辣煲起，附上芫茜、蔥花。粥嘅份量ok，粥都煲得幾軟綿，同我喺國內食到嘅砂鍋粥味道差不多，唔算好重味精感，個人就覺得略鹹，朋友就話可以接受
海鮮都算幾多，海蝦size唔係話好大隻，食落唔算話十分之爽口，但都冇霉；鮮魷魚煲粥都幾鮮味；花甲都幾大隻，只有一兩粒係未開
本來印象可好，不過食到最後一粒，居然有好大pat黑泥lol，朋友即時想嘔…
豬油渣炒菜心：我地少食住家飯，所以出親街食飯都要點個菜，菜心有少少老，不過都未至於有渣，豬油渣炒都幾入味，而且都唔會話太油。
XO醬香煎鶴佬菜頭丸：第一次食呢款菜，因為見個名幾特別，朋友話想試下。味道中規中矩啦，佢話有啲似XO醬煎蘿蔔糕，都幾香口。
黃金一口炸饅頭：本來每人食完幾碗粥，都已經好飽，不過見對面枱叫左碟炸饅頭，我又覺得幾吸引，所以先加單。
一份$38/9件，細細粒，附上煉奶，必點啦，外脆內軟，好好味
飲品選擇唔多，都係汽水王老吉椰子汁津路啤酒，不過我最鐘意都係天地壹號。
張貼
