鬼滷 (已結業)

店的裝修以火紅色為主，佈置得好型格，播著音樂，有氣氛，走年青人路線。食物味道一流，造型亦靚，估計是自家製醬汁，幾乎每款菜式都配醬，非常夾，吃了以下幾款：蜆仔肉菜包 $88，蜆仔炒豬肉，清清地但夠味，包住生菜吃口感清爽。蘭王蛋蠔餅 $78，炸得脆卜卜，咬到蠔肉就軟棉，有三款醬汁，兩款辣的都夾，更加好吃。滷水三拼－滷水鵝肉、鵝腸、豬腩肉 $208，滷水汁好，清醇口味，鵝腸很爽，豬腩肉超肥但唔膩。黑松露蔥油拌麵 $78，極正，麵條闊闊極之入味，黑松露很香。