潮潮居

營業中

休息中

朋友住喺黃埔，今日就去咗黃埔船二樓食潮州菜。餐廳屬於新派嘅潮州菜，仲有海鮮蒸魚，指定日子半價菜式及特價套餐。每一台都必叫滷水五彩拼盤，有腩肉，大腸，墨魚，海蜇及鵝片。鵝片及腩肉滷水都好入味，好香濃有肉香，唔會死鹹。大腸處理特別乾淨，而且夠入味。墨魚最緊要夠彈牙。另外加多一份鵝肝，入口綿滑，味道鮮明，脂肪感十足。豉汁梅子蒸蟠龍鱔，原條上枱，豉汁加上梅子好開胃，非常之解膩，鱔肉沒有泥味，又夠肥美。砂鍋普寧豆醬雞，味道勁香濃，仲有啲馬蹄及肥肉一齊炆，雞肉入晒味，非常好送飯。沙茶牛肉芥蘭，芥蘭清甜冇渣，加上沙茶牛肉特別惹味。魚蛋魚鰾熬紹菜，魚蛋香濃魚味，魚鰾少少爽身，加上紹菜，個上湯非常清甜好味。