彩興來來火鍋 (已結業)

因為要同兩個朋友去攞新嘅身份證，所以下午就去咗位於將軍澳嘅新身份證換領處，順便可以睇吓張新嘅身份證有幾靚，去到都係個零鐘就走得，都算快手，跟住我地幾個人就走咗去係新嘅身份證換領處附近嘅彩興來來火煱度，食埋嘢先走，因時間尚早，所以可以揀位座，侍應俾咗嗰點餐紙我地揀選湯底及配料，湯底朋友揀咗胡椒豬肚湯，配料就有手切本地雪花肥牛，蔬菜拼盤，黑松露鮮蝦餃，黑栢葉，個湯底好特別，從來未食过咁樣整嘅湯底，侍應先將胡椒豬肚湯嘅材料放落個鍋度抄熱先，再放啲湯落佢，煮滾約，十分鐘，先飲湯，再淥嘢食，胡椒豬肚湯辣辣地，飲完成身暖晒，再放啲手切雪花肥牛落去淥，真係冇得頂，只要淥幾秒就食得，入口即溶，牛味濃郁，黑松露鮮蝦餃，勁多黑松露，蝦又大隻，黑栢葉又爽，易食，食埋個蔬菜拼盤就啱啱好啦，因為都有唐生菜， 蕃茄，粟米 ，土豆片，娃娃菜，金菇，呢啲蔬菜索晒啲胡椒豬肚湯同埋其他火鍋配料嘅精華，真係超好味，朋友話佢下次可以同埋屋企人落呢食就得啦。