Shining Restaurant & Lounge (已結業)

-🔸唐揚軟骨 $48🔸白鹵水餐 $168🔸精選鹵水三拼 $178-第一次見酒吧會有潮州菜食，真係非常特別啊！仲要唔係得個gimmicks，作為半個潮州人嚟講，係真係幾好味架喎～揀咗一份白鹵水餐，前菜係首圖勁仙氣嘅凍食鵝肝，白色仙氣係店員上菜後會加嘅煙燻波波，碟上有杯仔嘅威士忌，加落去鵝肝度食竟然又好夾喎～主菜就有花雕醉鴿，超入味，正！跟餐仲有上湯津白同白飯。另外仲叫咗鹵水拼盤，可以喺六款入面自選拼盤菜式，我哋就揀咗元蹄、鹵水雞、豬脷，好入味，而且估唔到份量都幾多。最後口痕再叫多份唐揚軟骨，係墨魚咀軟骨呢，即叫即炸熱辣辣，正！