影片
更多
2022-01-13
25 瀏覽
今日約左朋友係銅鑼灣行街，離遠見到有間舖新開張個名叫大鑊咁得意，於是就行埋去睇下有咩食，原來係一間新派米線舖，裝修又幾新潮，有一排bar枱位向住條街，又幾chill喎！門口放左大大張menu係到，我地就研究下有咩食，見佢有四款主打湯底，包括有36小時熬花膠大筒骨湯、一百斤番茄濃湯、老壇陳釀酸菜湯和辣而不燥麻辣湯，我呢個番茄湯控一見到就忍吾住要入去試下了。配料有成三十多款，對我呢個有選擇困難症既人黎講，真係好難簡，最後我都係放棄左自選，選擇左廚師拍板，廚師拍板就係分別四款湯底set好左既餐，岩曬選擇困難症既人。話左要入黎試番茄湯，我緊係簡一百斤番茄湯底，而朋友就簡左老壇陳釀酸菜湯。而辣度好貼心咁分左由level 0既吾辣到level 5既勁辣，適合食不同辣度既人。朋友吾係好食得辣，所以簡左level 1既BB辣，朋友話食落吾辣，岩曬佢。而番茄湯底就似屋企煲既番茄湯一樣咁無添加，真係好正，無令我失望！我地仲叫左杯水蜜桃綠茶，黎到發現係有大量椰果，而吾係普通一杯茶飲，跟餐只係$13，非常抵飲！另外，見到小食入面有款叫炸神户餃子，吾知係咪太耐無去日本關係，俾呢個名深深吸引住，忍吾住叫左黎試，餃
門口放左大大張menu係到，我地就研究下有咩食，見佢有四款主打湯底，包括有36小時熬花膠大筒骨湯、一百斤番茄濃湯、老壇陳釀酸菜湯和辣而不燥麻辣湯，我呢個番茄湯控一見到就忍吾住要入去試下了。
配料有成三十多款，對我呢個有選擇困難症既人黎講，真係好難簡，最後我都係放棄左自選，選擇左廚師拍板，廚師拍板就係分別四款湯底set好左既餐，岩曬選擇困難症既人。
話左要入黎試番茄湯，我緊係簡一百斤番茄湯底，而朋友就簡左老壇陳釀酸菜湯。而辣度好貼心咁分左由level 0既吾辣到level 5既勁辣，適合食不同辣度既人。朋友吾係好食得辣，所以簡左level 1既BB辣，朋友話食落吾辣，岩曬佢。而番茄湯底就似屋企煲既番茄湯一樣咁無添加，真係好正，無令我失望！
我地仲叫左杯水蜜桃綠茶，黎到發現係有大量椰果，而吾係普通一杯茶飲，跟餐只係$13，非常抵飲！另外，見到小食入面有款叫炸神户餃子，吾知係咪太耐無去日本關係，俾呢個名深深吸引住，忍吾住叫左黎試，餃子炸得十分香脆，咬開見到餡料有肉同粉絲，感覺似韓國餃子多d。
呢間舖頭所有食物都係用個鑊仔裝住，吾知係咪因為咁而命名大鑊呢？
張貼
