明朝人氣甜品店 (已結業)

食完飯，無地方去，香港人一般都鍾意去食糖水，深水埗桂林街有兩間糖水舖，打對面開，一間賣傳統糖水，坐得舒服少少，呢間就賣新派甜品，各有特色，各有粉絲。今次試新派糖水，叫咗個芒果西米靈加芒果雪糕，話係人氣甜品，不過講真，真係無特別。另外，我叫咗個炖椰皇，入面用咗椰青水加椰汁，都幾香，入面仲加咗湯丸，都幾heavy, 不過冬天咁乾，食呢個覺得幾潤，兩個甜品，我覺得呢個好食d, 而且至少唔係周圍食得到，而且成本同功夫都多d，感覺食呢個抵d。