影片
更多
2022-11-25
79 瀏覽
Cafe選址喺灣仔舊街市，被列入三級歷史建築物🙂餐廳嘅裝修同佈置都好有特色，以木製嘅傢具同擺設為主，空間感十足，仲佈滿各式各樣嘅植物🌱根本就唔覺得自己喺灣仔嘅鬧市💚呢度主打新派素食，仲有中西式甜品，屬於喺香港比較有特色嘅Cafe👍🏻支持！推薦叫呢度嘅Dinner set, 亦好值得留肚食甜品❤️個set包咗前菜+主菜+小食+甜品😋特別想講當晚嘅南瓜湯都好好飲🎃主菜•黑松露野菌燉飯 ($218)我哋見到隔離枱都叫咗呢個燉飯，離遠已經聞到好香嘅黑松露味，所以都忍唔住嗌😋黑松露同菇都俾得好多，口感好豐富！•炸素魚配薯條 $218素魚有好香嘅豆味，外層粉漿薄薄一層，炸得好脆口🙂薯條當然無得輸！小食選擇都有幾款，每款都好吸引💚我哋叫咗 •川辣脆炸杏鮑菇＋鹽酥素雞脾🍗第一次食素雞脾，原來係用好多層腐皮包完拎去炸，咬落有食緊肉嘅口感😂而且係有鹽酥雞嘅味！炸杏鮑菇都幾辣幾惹味！另一個小食係•忌廉芝士西蘭花甜品:•朱古力心太軟配北海道3.6牛奶軟雪糕 (+$18)朋友超鍾意食心太軟，呢度嘅心太軟比較大件，好夾佢個牛奶軟雪糕❤️•鮮雜果爺爺 (+$28)聽到個名都估到係椰子嘅甜品😂面頭係牛奶軟雪糕，中間有超多
推薦叫呢度嘅Dinner set, 亦好值得留肚食甜品❤️個set包咗前菜+主菜+小食+甜品😋特別想講當晚嘅南瓜湯都好好飲🎃
主菜•黑松露野菌燉飯 ($218)
我哋見到隔離枱都叫咗呢個燉飯，離遠已經聞到好香嘅黑松露味，所以都忍唔住嗌😋黑松露同菇都俾得好多，口感好豐富！
•炸素魚配薯條 $218
素魚有好香嘅豆味，外層粉漿薄薄一層，炸得好脆口🙂薯條當然無得輸！
小食選擇都有幾款，每款都好吸引💚我哋叫咗 •川辣脆炸杏鮑菇＋鹽酥素雞脾🍗第一次食素雞脾，原來係用好多層腐皮包完拎去炸，咬落有食緊肉嘅口感😂而且係有鹽酥雞嘅味！炸杏鮑菇都幾辣幾惹味！另一個小食係•忌廉芝士西蘭花
甜品:
•朱古力心太軟配北海道3.6牛奶軟雪糕 (+$18)
朋友超鍾意食心太軟，呢度嘅心太軟比較大件，好夾佢個牛奶軟雪糕❤️
•鮮雜果爺爺 (+$28)
聽到個名都估到係椰子嘅甜品😂面頭係牛奶軟雪糕，中間有超多雜果，底層係椰青水啫喱，個配搭幾得意而且有幾好食😛推薦！
飲品方面，我哋另外叫咗杯芒果奶昔($52)同跟餐加配嘅白酒($65)
張貼
