素食一家 (已結業)

約了一班好姐妹一齊聚餐，因大家都想食清淡點，於是搵到交通便利位於旺角的一間素食餐廳-素食一家。這間餐廳有別於傳統的齋鋪，餐牌上食物選擇好多，而我們更發現餐牌上有專為食肉獸準備嘅肉食，於是好奇的我即刻叫了來試，分別是咕嚕肉和鎮江小排骨。咕嚕肉的味道同傳統嘅咕嚕肉好似，但當然所謂的「肉」並唔係真係嘅豬肉而係素肉，不過外形維肖維妙，令我們食唔停口。😋鎮江小排骨的味道同傳統嘅的菜式好像，味道不錯，但略嫌素肉的外型同排骨唔太相似。除咗兩款「肉食」之外，我們都叫了一款清淡的菜式-黑松露蒸豆腐。豆腐好滑，菇菌都好食，但份量偏小唔夠食。最後，我們叫了蘋果芝士蛋糕，份量很小，味道一般，不食可也。