入素

營業中

休息中

早排晚上去了沙田石門搵嘢食，進入了一間新派素食舖，見到餐牌都幾多選擇，同舊式齋舖唔同，唔係以前嗰啲羅漢齋炒麵、齋鹵味等舊式齋，反而幾多新款式。於是叫咗個咖哩汁配手抓餅、入素小拼盤、蟹粉烏冬同鬼馬牛肉。首先講個手抓餅，食落去幾香，同埋塊餅都仲熱(有啲舖頭塊餅上到枱已經係凍)配埋個咖哩汁好似食緊印度菜咁。然後到個拼盤，有春卷、魚餅、雞肉串燒、牛脷串燒同埋薯條沙律。個拼盤最正係串牛脷，食落去好香，同埋個口感好似真嘅牛脷。跟住到過蟹粉烏冬，啲蟹粉用咸蛋黃做，配埋啲烏冬食幾香，啲烏冬又唔淋，同埋個烏冬仲有個湯，入面有啲蔬菜同齋貢丸，啲貢丸食埋去同平時食開嘅貢丸無分別(咁即係應該平時食到嘅貢丸入面都係無肉)。重點係個鬼馬牛肉，呢味餸出面都唔多餐廳有，啲油炸鬼仲脆，唔會淋晒，同個齋牛肉食落去同真牛肉嘅感覺無咩分別，味道唔錯，可以再嚟試埋其他菜色。