影片
更多
2019-05-29
3408 瀏覽
今日約朋友食飯，佢地提議食素食buffet，其實我對素食就麻麻，不過見個甜品bar好似好吸引就去食，點知都幾有驚喜！頭盤小食：有炸素雲吞、春卷呢啲大路野，仲有毛豆蘋果片、芝士唔知咩豆焗蕃茄、青蘋果紫薯球等等。我呢啲素食入門級岩哂！ 有賣相有味道。涼拌有青瓜、木耳。主菜就比較家常啲，茄子啊蕃茄炒蛋啊炒瓜啊炒蓮藕等等。都有炒面同炒飯，不過我個人食buffet唔食主食，所以冇食太多。沙律bar既料都算多同新鮮，唔錯到我重點既甜品part! 作為一個中式甜品發燒友真係頂唔住啦！ 紅棗糕同薑汁糕又香又熱又軟熟。特別係薑汁糕好香薑味！但又唔會好辣。香蕉糕芝麻卷正常。斑蘭蛋糕又香又軟熟，但可惜大舊左啲，好快飽。香蕉拔絲又靚又好味，外脆內軟，加埋糖碎唔會好甜。綠茶香芋餅唔錯，雖然甜左啲但好有日本手信風味。楊枝甘略嫌奶味太重，我麻麻地。飲品有普洱、橙汁、水果茶。我飲橙汁正常，朋友話水果茶冇咩味。btw有粉葛眉豆湯，有媽媽既味道食到咁上下佢新加左個素餃，可以加紅油變抄手。唔係講笑，個紅油好得！香而不辣。加落啲餃唔似食緊素餃，似食緊肉餃。係今日既number 1!!!!雪糕融得好快，同埋真係豆腐味，不過岩岩
頭盤小食：有炸素雲吞、春卷呢啲大路野，仲有毛豆蘋果片、芝士唔知咩豆焗蕃茄、青蘋果紫薯球等等。我呢啲素食入門級岩哂！ 有賣相有味道。涼拌有青瓜、木耳。
主菜就比較家常啲，茄子啊蕃茄炒蛋啊炒瓜啊炒蓮藕等等。都有炒面同炒飯，不過我個人食buffet唔食主食，所以冇食太多。
沙律bar既料都算多同新鮮，唔錯
到我重點既甜品part! 作為一個中式甜品發燒友真係頂唔住啦！
紅棗糕同薑汁糕又香又熱又軟熟。特別係薑汁糕好香薑味！但又唔會好辣。香蕉糕芝麻卷正常。
斑蘭蛋糕又香又軟熟，但可惜大舊左啲，好快飽。
香蕉拔絲又靚又好味，外脆內軟，加埋糖碎唔會好甜。
綠茶香芋餅唔錯，雖然甜左啲但好有日本手信風味。
楊枝甘略嫌奶味太重，我麻麻地。
飲品有普洱、橙汁、水果茶。我飲橙汁正常，朋友話水果茶冇咩味。btw有粉葛眉豆湯，有媽媽既味道
食到咁上下佢新加左個素餃，可以加紅油變抄手。唔係講笑，個紅油好得！香而不辣。加落啲餃唔似食緊素餃，似食緊肉餃。係今日既number 1!!!!
雪糕融得好快，同埋真係豆腐味，不過岩岩食完濃野食呢個好似冇咩味咁，我就唔太中意
Overall黎講138係尖沙咀食晚飯真係算幾抵，款式多，點都有樣岩你。同埋食物refill算快，不過就唔會有人收盤咁啦。下次可以再戰！
張貼
