El Cerdo (大壩街) (已結業)

以西班牙黑毛豬做主題嘅餐廳主打Tapas小食同新派西班牙菜，價錢大眾化，每一樣食食份量細細地，但都好夠飽，仲可以比我食多幾樣唔同野！⭐炸黑毛豬火腿球估唔到奶酪味係超濃，入面竟然係黑毛豬火腿粒，仲有鹹香味～⭐ 脆皮豬腩肉配蜂蜜蛋黃醬 好似燒腩仔咁，皮係超脆，但肉又好淋～脂肪入口即溶，再加埋特別嘅蛋黃醬，食落冇咁肥～⭐鮮蕃茄蓉焗法包感覺似PIZZA上鋪左蕃茄蓉同蒜蓉，酸酸甜甜，調味惹味。薄脆口感，不錯～⭐羽衣甘藍蘑菇蛋餅蛋餅賣相好吸睛！入面有好多粒薯仔粒，上面有炸左嘅羽衣甘藍，好味！⭐香煎無骨雞腿配鮮菇佐松露蛋黃醬雞扒好嫩，下面有好多菇菌，加上淡淡松露味～⭐Churros with Nutella甜品有Churros，外脆內軟，配上Nutella榛子朱古力醬，好邪惡。