影片
更多
2025-01-20
152 瀏覽
呢間西班牙菜Sabor，其實我想食好耐。有個好重要嘅原因，係佢free corkage嘅政策 (基本上每位叫set已經滿足佢free corkage要求)，加上佢冇分時段，可以真正令人享受一晚自備byob嘅wine dinner。Grilled Cuttlefish with Alloil $280呢個蒜香墨魚係好大驚喜。原因係我好少見到墨魚粒係真正做到small bite而且唔會好韌。原因係佢花咗好多時間將四層墨魚皮慢慢切。加上呢個有蒜香嘅香茜醬汁，無論襯酒定就咁食都非常開胃。Sabor Signature Chicken Box $780呢個三位一體嘅雞料理，當中包括Chicken Liver Pate(雞肝醬配水晶包)、Oven Baked Chicken，同Chicken Skin Oil Rice。唔好睇少呢隻燒雞，佢係經歷過兩次80度以下慢煮，之後店員會先用威士忌點火，再分出唔同嘅部份。Chicken Liver Pate雞肝醬配水晶包麵包係配上雞肝醬，而雞肝醬係加入蔥，洋蔥製造，味道唔算濃，但食落同鵝肝醬相差無幾。Oven Baked Chicken香焗燒雞好明顯佢唔係就
Grilled Cuttlefish with Alloil $280
呢個蒜香墨魚係好大驚喜。原因係我好少見到墨魚粒係真正做到small bite而且唔會好韌。原因係佢花咗好多時間將四層墨魚皮慢慢切。加上呢個有蒜香嘅香茜醬汁，無論襯酒定就咁食都非常開胃。
Sabor Signature Chicken Box $780
呢個三位一體嘅雞料理，當中包括Chicken Liver Pate(雞肝醬配水晶包)、Oven Baked Chicken，同Chicken Skin Oil Rice。唔好睇少呢隻燒雞，佢係經歷過兩次80度以下慢煮，之後店員會先用威士忌點火，再分出唔同嘅部份。
Chicken Liver Pate雞肝醬配水晶包
麵包係配上雞肝醬，而雞肝醬係加入蔥，洋蔥製造，味道唔算濃，但食落同鵝肝醬相差無幾。
Oven Baked Chicken香焗燒雞
好明顯佢唔係就咁焗出嚟，佢係會用橡果做出煙燻效果。所以無論係表面嫩滑嘅雞胸，側邊濃郁嘅雞髀，定底部充滿橡木果味嘅雞髀肉，都可以帶俾人唔同嘅享受。
Chicken Skin Oil Rice雞皮油香飯
雞皮？飯？原本以為係好Hea嘅飯，但原來一啲都唔簡單。用上特製醬汁同煲仔飯嘅做法，飯粒做得格外乾身，加上醬汁同一定嘅油分，呢個飯其實食落相當香口之餘，亦唔會好油好膩，係相當成功嘅出品。
加泰羅尼亞風格焦糖燉蛋連雪糕 $80
呢個相對抵食嘅焦糖燉蛋，並冇用傳統方法嘅蛋白，而係將所有材料混為一體，加上香茅嘅味道，味道豐富又複雜，附帶嘅芒果雪糕亦可帶來奇效。
呢度嘅嘢食有個共通點，就係同葡萄酒相當夾。以今晚為例，我帶嚟嘅右岸波爾多酒，同呢度每一道菜都可以話唔會有衝突之處，個人認為就算帶口感細緻嘅Burgundy或高級香檳，亦可以襯到夾一夾。
呢度免開瓶費，冇分時段，餐廳環境寧靜，又有一定景色，的確好適合嚟呢度傾偈食飯。仲未計，呢度實在太方便，喺地鐵站E出口一出嚟就係了。
張貼
