반찬앤쿡 Banchan and Cook (屯門市廣場1期)

營業中

休息中

餐廳裝修簡約，唔少角落放左啲乾花，望落好舒服，好有休閑的感覺。食物的份量都偏大，好適合多幾個人share，每樣食啲咁😚🔸牛肝菌蛋包飯🍄一上枱就會聞到好香的菇菌味🍄店員會幫忙切開蛋包飯，個半熟蛋真係煎得好靚，色澤均勻，一切開係超嫩滑的蛋😍🔸炸芝士豬扒忌廉年糕🐷🧀芝士豬扒炸得好脆口，中間芝士有拉絲的感覺，一人食一件剛剛好🧀年糕味道似卡邦尼忌廉味，本身以為會好溜，但係食又高又食一舊，停唔到口🤣🔸慢煮羊膝配薯條🐑呢款有啲東南亞風，可能因為落咗啲香料醃製，肉質軟腍，無羊的羶味。唔好睇佢好大條骨咁，切開好多肉食，3、4個人share就啱晒～🔸玫瑰醬無骨炸雞🍗🍖叫炸雞都會包韓式前菜，今日就有醃蘿蔔同薯仔沙律。揀咗餐廳嘅招牌口味玫瑰醬🌹睇餐牌介紹玫瑰醬並唔係玫瑰花味道，而係由番茄醬、奶油醬、辣椒醬混合而成的醬汁，醬既顏色好似玫瑰色，所以先叫做玫瑰醬。味道都幾有層次，酸酸辣辣。半份炸雞份量都好多，仲有薯條同年糕。🔸韓式雜莓牛角包窩夫🧇🍓🫐而家韓式甜品興牛角包窩夫，我哋都叫左個share，賣相精緻，窩夫食落酥脆，帶有牛油香，配上忌廉同水果食一流！🔸盛夏冰爽西瓜檸檬梳打🍉士多啤梨香蕉奶昔🍓🍌好適合夏天的特飲