影片
更多
2023-10-02
102 瀏覽
我其實不嬲都唔係好鍾意食韓國菜！不過老婆大人好鬼鍾意食我就梗係要捨命陪老婆去食㗎啦。呢次陪佢同朋友一齊去圓方新開嘅ANJU，估唔倒俾佢改變左我對韓國菜嘅睇法。呢間新開嘅韓國菜館除咗有嘢食之外仲有靚酒飲！我見好多人上嚟happy hour完之後再食埋飯一條龍好正。呢度嘅裝修好鬼潮仲有好多打卡位㗎！啱晒鍾意相機食先嘅老婆大人哈哈。既然有靚酒飲梗係要整返杯先啦！我就揀咗韓國大熱嘅Somaek燒啤，即係韓國燒酒加啤酒嘅特飲，鍾意飲啤酒嘅朋友可以試呢個。 女士們我就好建議大家試呢一杯Melona Soju Cocktail，都係用韓國燒酒仲加埋生果調成嘅雞尾酒，入面有條韓國雪條飲落去香甜到不得了。嘢食方面首先嚟一個原生番茄、泡菜、布拉塔芝士，番茄芝士沙律大家都食唔少啦！呢個加咗泡菜同埋紫菜落去成件事韓晒！番茄嘅多汁加埋泡菜嘅香辣味道好有特色。跟住呢一個係醬油帶子鮑魚，用咗醬油蟹嘅方法來整鮑魚同埋帶子，唔使剝殼就食得鬼咁方便啱晒我呢啲懶人。呢個係食韓國菜唔少得嘅醬烤五花肉，香噴噴嘅五花腩配埋啲蒜片、青陽辣椒，用生菜包住嚟成件事就係好韓國嘅味道。老婆大人最鍾意食韓式炸雞！呢度嘅炸雞仲係要用新鮮三黃雞
呢次陪佢同朋友一齊去圓方新開嘅ANJU，估唔倒俾佢改變左我對韓國菜嘅睇法。
呢間新開嘅韓國菜館除咗有嘢食之外仲有靚酒飲！我見好多人上嚟happy hour完之後再食埋飯一條龍好正。
呢度嘅裝修好鬼潮仲有好多打卡位㗎！啱晒鍾意相機食先嘅老婆大人哈哈。
既然有靚酒飲梗係要整返杯先啦！我就揀咗韓國大熱嘅Somaek燒啤，即係韓國燒酒加啤酒嘅特飲，鍾意飲啤酒嘅朋友可以試呢個。
女士們我就好建議大家試呢一杯Melona Soju Cocktail，都係用韓國燒酒仲加埋生果調成嘅雞尾酒，入面有條韓國雪條飲落去香甜到不得了。
嘢食方面首先嚟一個原生番茄、泡菜、布拉塔芝士，番茄芝士沙律大家都食唔少啦！呢個加咗泡菜同埋紫菜落去成件事韓晒！番茄嘅多汁加埋泡菜嘅香辣味道好有特色。
跟住呢一個係醬油帶子鮑魚，用咗醬油蟹嘅方法來整鮑魚同埋帶子，唔使剝殼就食得鬼咁方便啱晒我呢啲懶人。
呢個係食韓國菜唔少得嘅醬烤五花肉，香噴噴嘅五花腩配埋啲蒜片、青陽辣椒，用生菜包住嚟成件事就係好韓國嘅味道。
老婆大人最鍾意食韓式炸雞！呢度嘅炸雞仲係要用新鮮三黃雞佢一聽到開心到飛起，新鮮雞食落肉質特別有彈性同埋肉香，加埋甜甜地辣辣地嘅味道真係好難話唔好食喎。
飽肚嘢總要食啲嘅！我就嗌咗個韓式烤牛肉包嚟填肚！迷你漢堡用咗軟熟嘅竹炭包入邊夾住啲烤香咗嘅牛肉同埋泡菜，食落好鬼香濃又多汁好好味喎。
最後嚟多一份韓式海鮮拼盤，我哋揀咗八爪魚仔、海蝦同埋北海道帶子配辣海鮮湯，嚟到嘅時候侍應會擺落特製嘅膠袋搖勻先俾我哋食。
辣海鮮湯揀咗小辣所以我都食到！飲落去係好鮮嘅海洋味呢個湯好飲得嚟仲好胃添。
甜品燴洋梨上面有一球薑味雪糕仲有新鮮士多啤梨，洋梨整得好入味如果食玉桂嘅人應該會好鍾意食呢個甜品。
老婆大人唔鍾意肉桂所以就叫咗呢個韓式的阿芙佳朵，入面有榛子雪糕、Expresso同埋Soju，呢個甜品真係好精緻同埋都幾重口味。
張貼
