甜記餃子

營業中

休息中

Item: 甜記餃子
Rating: 4
Author: delightful.foodie

Tin Kee Dumpling Restaurant

122 食評

味道

環境

服務

衛生

抵食

9484

太子

$51-100

港式雲吞/餃子

delightful.foodie

等級3

每次喺旺角想食甜記餃子，門口都好多人排隊我就放棄咗。今日夜晚八點幾做完運動，想食啲冇咁飽肚嘅嘢，就嚟太子甜記唔寄撞一撞彩數睇吓使唔使等位，勁開心有幾張吉檯唔使等😌雙併餃子10隻（雞湯）$46熱洛神花茶 $8雙併餃我揀左粟米芝士雞肉餃+白菜豬肉餃。本身用雞肉做餡已經少試，今次呢個加埋芝士係入面幾特別，同粟米甜味好夾，好食！白菜豬肉都唔錯，豬肉夠味，而且呢度嘅水餃皮較薄，唔會覺得成日淨係食緊塊皮。湯底就正正常常，無乜驚喜。洛神花茶都幾好，唔會太甜太酸，好易入口👍🏻太子呢間店裝修比旺角新淨同寬敞好多，走日系風格，如果想打卡靚啲可以揀太子店❤️

每次喺旺角想食甜記餃子，門口都好多人排隊我就放棄咗。今日夜晚八點幾做完運動，想食啲冇咁飽肚嘅嘢，就嚟太子甜記唔寄撞一撞彩數睇吓使唔使等位，勁開心有幾張吉檯唔使等😌
雙併餃子10隻（雞湯）$46
熱洛神花茶 $8
雙併餃我揀左粟米芝士雞肉餃+白菜豬肉餃。本身用雞肉做餡已經少試，今次呢個加埋芝士係入面幾特別，同粟米甜味好夾，好食！
白菜豬肉都唔錯，豬肉夠味，而且呢度嘅水餃皮較薄，唔會覺得成日淨係食緊塊皮。湯底就正正常常，無乜驚喜。

洛神花茶都幾好，唔會太甜太酸，好易入口👍🏻

太子呢間店裝修比旺角新淨同寬敞好多，走日系風格，如果想打卡靚啲可以揀太子店❤️