影片
更多
2020-02-15
372 瀏覽
最近喺佐敦新開咗間聞名已久嘅海鮮酒家。或者大家會以為猴子黐咗線，新開嘅酒家又點會聞名已久呢？實情係十幾廿年前喺油麻地有間好出名、不過結咗業好耐嘅神燈海鮮菜館。而呢間神燈海鮮酒家嘅老闆，就係為咗重溫兒時品嚐過嘅美食，於是決定將呢個經典重新打造，神還原「神燈」。話明係神還原，所以好多菜色都係向當年嘅經典菜致敬，例如焗魚腸、蝦多士等，另一方面佢哋亦引入新派煮法，呢個阿拉斯加蟹新式兩食就係其中一例。巨型蟹蓋用嚟整甲羅燒，蟹身就用嚟整雞油花雕蒸蟹腳。甲羅燒係喺客人面前即時烹調，以蟹膏、蟹肉、蟹籽、鵪鶉蛋及清酒燒煮，上碟時配埋蝦多士，將蟹膏澆上蝦多士一齊食，蝦彈滑，多士脆，蟹膏香，實在非常惹味。至於雞油花雕蒸蟹腳，係用雞油同花雕酒蒸煮，令到蟹肉嘅鮮味得到提升，加上阿拉斯加蟹夠巨型，食起上嚟真係啖啖肉，十分過癮。講完重點菜式，兜返轉頭講前菜。先係椒鹽雙菇（金針菇同埋冬菇），咸辣程度適中，香脆之餘亦唔會太刺激，係開胃之選。跟住就係冰鎮海蜇頭，爽滑酸香，食入口滑潺潺，好有趣，食欲大幅提升。麻辣肚絲，唔係Toast，係辣味豬肚，猴子麻麻地食得辣，不過豬肚同木耳都咁爽口，忍唔住食多啖。沙薑豬手粒，亦係醋香酸
甲羅燒
15 瀏覽
0 讚好
0 留言
話明係神還原，所以好多菜色都係向當年嘅經典菜致敬，例如焗魚腸、蝦多士等，另一方面佢哋亦引入新派煮法，呢個阿拉斯加蟹新式兩食就係其中一例。巨型蟹蓋用嚟整甲羅燒，蟹身就用嚟整雞油花雕蒸蟹腳。甲羅燒係喺客人面前即時烹調，以蟹膏、蟹肉、蟹籽、鵪鶉蛋及清酒燒煮，上碟時配埋蝦多士，將蟹膏澆上蝦多士一齊食，蝦彈滑，多士脆，蟹膏香，實在非常惹味。
懷舊蝦多士 (價錢不包括甲羅燒)
$158
23 瀏覽
0 讚好
0 留言
至於雞油花雕蒸蟹腳，係用雞油同花雕酒蒸煮，令到蟹肉嘅鮮味得到提升，加上阿拉斯加蟹夠巨型，食起上嚟真係啖啖肉，十分過癮。
雞油花雕蒸蟹腳
16 瀏覽
0 讚好
0 留言
講完重點菜式，兜返轉頭講前菜。先係椒鹽雙菇（金針菇同埋冬菇），咸辣程度適中，香脆之餘亦唔會太刺激，係開胃之選。
椒鹽雙菇
$98
16 瀏覽
0 讚好
0 留言
跟住就係冰鎮海蜇頭，爽滑酸香，食入口滑潺潺，好有趣，食欲大幅提升。
冰鎮海蜇頭
$98
12 瀏覽
0 讚好
0 留言
麻辣肚絲，唔係Toast，係辣味豬肚，猴子麻麻地食得辣，不過豬肚同木耳都咁爽口，忍唔住食多啖。
麻辣肚絲
$58
18 瀏覽
0 讚好
0 留言
沙薑豬手粒，亦係醋香酸酸嘅開胃菜，細細粒嘅半肥瘦豬手，一粒一粒放入口趙都幾開心。
沙薑豬手粒
$58
128 瀏覽
0 讚好
0 留言
然後就係主菜，首先係即燒乳豬（半隻），特別之處係將皮同肉之間嘅脂肪完全去除，啱晒唔鍾意食肥嘅人士。乳豬由於係即燒，脆皮度絕對係100分。
即烤乳豬 (半隻)
$388
114 瀏覽
0 讚好
0 留言
蜜椒金薯牛肝連，牛肝連即係封門柳，係腹部邊肋脊附近嘅肉，係高級牛肉，口感格外鬆軟。
蜜椒金薯牛肝連
$148
108 瀏覽
0 讚好
0 留言
薑蔥鮑魚煲，鮑魚大大隻，煮到淋一淋，蔥香撲鼻，加埋鮑魚嘅鮮味，絕對係要慢慢品嚐。
薑蔥鮑魚煲
$760
150 瀏覽
0 讚好
0 留言
百花煎釀帶子，鮮甜帶子配上蟹籽點綴，一啖一個，滿口鮮味。
百花煎釀帶子
$476
111 瀏覽
1 讚好
0 留言
糯米炒膏蟹，黏黏嘅糯米加上蟹膏，香濃美味，真係好難忍得住口。
糯米炒膏蟹
$488
121 瀏覽
0 讚好
0 留言
最後係甜品嘅薑汁糕同玫瑰糕，免費嘅，但一啲都唔馬虎。薑汁糕薑味撲鼻，食落口通耳鼻喉，玫瑰糕亦係陣陣幽香，幾飽都食得落。
玫瑰糕薑汁糕
14 瀏覽
0 讚好
0 留言
題外話/補充資料：
最近肺炎肆虐，神燈都加強咗清潔衛生，員工亦全部戴上口罩同手套，入口亦設有體溫檢測，值得一讚。
(以上食評乃用戶個人意見 , 並不代表OpenRice之觀點。)
張貼
