富臨薈 (已結業)

沙田富臨薈都開左一段時間，見平時喺新城市食嚟食去都係食個d餐廳，今晚就黎呢度試下新野。一打開點心紙，入面有好多古靈精怪嘅名，除咗點心之外，仲有其他菜式好似廣東、四川菜等。- 乳鴿新鮮炸起熱辣辣，皮係脆嘅，不過咸左少少。- 沙薑豬手呢個麻麻地，佢個沙薑味我唔係好鍾意，不過豬手都算軟身。- 點心拼盤有幾款唔同既點心，每樣都有得試，整體味道都唔錯，係連鎖酒樓點心嘅質素。- 咸蛋苦瓜苦瓜爽口，咸蛋唔太咸，剛剛好。- 豬油撈飯幾懷舊，用蒸砵裝著，不過豬油唔夠香。- 三色翠苗- 墨汁海鮮炒飯炒飯大碟，賣相唔錯，算乾身，不過就油左少少，海鮮份量一般。總括黎講呢度食物嘅味道係唔錯，但係就有少少咸，返去要飲多幾杯水啦。