傳點心意 (已結業)

一年一度的父親節出黎飲下茶，茶樓好多人而黎左隔離的點心舖一試，環境雖然迫啲，但有啲新派點心好似幾特別咁，一家三口決定轉場。膠制餐具，乾淨程度一般，上面有黏住的食物殘渣，不過中式食店多數係咁，不要強求了。天氣好熱，點了凍奶茶解解暑，茶香奶滑都幾好飲，係太甜了點。墨魚包，造型可愛，內裏係蓮容餡，甜甜的很香滑，如果有蛋黃更好。木魚蘿蔔絲腸粉，蘿蔔一絲一絲好清甜，腸粉皮煙韌，包住響鈴卷一脆一軟口感不錯。後面那碟係蝦腸，同樣包住響鈴卷，蝦肉鮮甜不錯吃。冬蔭功鮮竹卷，半時吃到的鮮竹卷加了冬蔭功湯，仲有一隻大蝦添，湯底較淡帶微辣，幾特別，可惜跟一般鮮竹卷一樣咬落一口油。燒賣倒不錯，肉鮮彈牙，肥瘦肉比例剛好。叫了兩個籠仔蒸飯，沒諗到咁大籠，鮑魚什錦飯有排骨，鳳爪，雞絲，當然唔少得鮑魚啦，滿滿一盤賣相很好。另一個叫左金蒜排骨飯，蒜好香呀～兩個飯都吃不到荷葉味，而且飯欠點飯香，蒸得亦較爛，有點失望。小店不用加一。