京.花朝 (已結業)

每次經過銅鑼灣，就會想去百樂中心！因為個度成橦大廈都係食肆！今次就同aunt黎到呢度9樓既京·花朝！酒樓地方唔算太大，裝修都好有特色，好有中國風既感覺！我地睇完menu 後就叫左個business dinner set: 包2個冷盤小食；我地就叫左醬牛筋，牛筋肉食時既感覺好似jelly QQ彈牙既口感！配埋醬汁更加好味道！😋 雞絲粉皮配麻醬同青瓜，食落口時更加爽脆，雞肉嫩滑，味道適中！另外個老火湯好有火喉，有雞腳，淮山，滋補養生！係比較濃味左少少！主菜就揀左花雕話梅醉松葉蟹腳，店員都好窩心每人比左一把專用剪刀及濕紙巾！蟹肉並不是太多，不過都好鮮味，配埋花雕酒調一下味！幾新穎既食法！個套餐仲包埋2款京滬小菜：糖醋魚片&上湯蒜子浸時蔬！ 酸酸地既魚塊好實肉，又冇骨，仲有3色椒做配菜！用來送白飯正合胃口！食完咁多肉類，所以就叫左個上海蒜子浸溫室豆苗，個菜清清淡淡容易消化！最後個套餐仲包埋甜品：什果杏仁豆腐，蛋菜糕既口感，幸好杏仁味沒有太濃，所以對於我來說都唔錯！食完先知道原來一直有條可愛既金魚睇住我地食飯！😝😝今次令我對京滬菜有所改觀！😎