2084 (已結業)

傳統中式素食一向比人老土的感覺，來來去去都係甜酸齋、羅漢齋、炆冬菇之類，後生一輩吾like。西式素食就多系沙律、素漢堡、薯條、菇菌意大利飯/麵，諸如此類， 都係大同小異。西貢市的2084， 就走新派fusion 素食路線，別創一格。門面似pub,內裡裝修好modern好chill食物就中、西、東南亞口味都有。今日試左三款最受歡迎嘅食物：Peking Tacos 吾係北京填鴨而係北京填菌。菌菇炸後用北京填鴨醬調味，舖係越南米紙上。菜式嘅名好funny造型好有趣，概念亦佳，打咭一流，但米紙同d菌菇頗韌，填鴨醬d味太濃太搶，滿口都係醬味。Momos 名字可愛，其實只係素菜餃子。原來改個好名係咁重要！😂Meatball curries素丸子咖喱配簿餅不是平日食開的日式或泰式咖喱口味，濃烈香草味。不是我喜歡的口味。雖然2084的食物味道吾系我杯茶，但都欣賞佢哋嘅創意、敢於嘗試同餐廳有型同chill嘅氣氛。2084除左有很多特色飲品外，亦有成版wine list, 可以話係賣素食嘅pub ，呢個配搭真係夠哂新頴！