DKLM Bar & Restaurant (已結業)

嗰日同朋友行過，見到呢到新開，水牌上面又有間吧，行到熱一熱咁岩都想飲番杯，即管去試吓！上到嚟地方都幾闊落，有好多張掉乒乓波既枱，好多電視，而且仲有VIP房！岩哂一班朋友上嚟happy hour! 同朋友坐低睇完Menu ,叫咗兩杯嘢飲試吓先！我就叫咗Pina colada, 朋友叫左refresher,兩杯都唔錯啵！朋友個杯仲有滿滿既青瓜同荔枝肉，好消暑！飲到咁上下覺得有啲肚餓啦，即管試埋呢度嘅嘢食啦！叫咗帶子櫻花蝦意粉，唔油食落好香，意粉嘅口感都唔錯！另外仲有黑松露Parma ham pizza ,黑松露味好香！原來配Parma ham都咁夾既！岩哂送酒！呢度嘢食質素都唔錯！下次會再嚟！