峰壽司 (已結業)

做完健身行落尖沙咀新港中心地庫嘅「大食代」搵食，兜咗兩個圈先發現到電梯嘅呢間舖。油甘魚刺身薄身咗少少，勝在冇筋，食落幾甘香油潤。日式芥辣係手磨靚嘢，唔係水溝粉。軟殼蟹沙律手卷－食唔到乜嘢蟹味，只有沙律醬味。玉子壽司－一般帶甜味嘅雞蛋壽司。腐皮壽司－腐皮韌韌哋、甜甜哋，幾過癮。墨魚壽司－爽爽哋、韌韌哋，不過個人唔太鍾意呢種口感同味覺。三文魚壽司－好正常而大路嘅三文魚味道。總括嚟講，壽司飯似乎落唔夠醋，冇乜醋酸味。湯底幾清甜，下午茶套餐嚟講都算幾大碗同足料。