LM Cafe (已結業)

同朋友去apm行街shopping，行到肚餓但又覺得apm嘅餐廳有啲貴，所以就決定行遠啲搵平靚正嘅餐廳醫肚。行下行下就去到中海日升中心，見到都有唔少餐廳，而LM Café鋪面幾大，menu上嘅西式野食都幾合我地心意，最緊要係唔貴呀嘛，所以就入去試。見到幾乎每枱只係每人一個餐，但大食嘅我地又點會滿足，所以嗌左兩個主食之餘，仲嗌左一個小食同甜品，最後飽到上心口都只係盛惠二百幾，真係抵到爛！鐵板西冷牛扒配香草腸(另配薯菜)，上枱嘅時候仲係咋咋聲，聽到都流哂口水。牛扒唔un，有肉汁，仲要係兩塊！相當大方xd 香草腸係脆皮衣，一啲都唔頹。見到食評話黑松露意粉係熱門菜，緊係要叫番個會一會佢！果然黑松露味好足，一啲都唔膩，意粉軟硬適中，我同朋友都好滿意！因為呢個套餐仲包餐湯飲品同沙律，真係好抵！芝士煙肉焗薯皮芝士量夠，啱哂啲芝士怪~薯皮其實係係薄薄嘅有皮薯仔片，食多幾嚿都唔會飽。最後飽都要食番個甜品架嘛@@為免飽死，我地決定捨棄人哋大推嘅窩夫，而轉戰班戟。班戟餐可以自選兩個雪糕口味，一款生果同埋兩個醬。我哋嗌咗雲呢拿同朱古力雪糕，蜜糖同士多啤梨醬再加士多啤梨。班戟好有蛋味，而且熱辣辣，再配埋雪糕，呢