紫醉軒 (已結業)

香港不乏富有特色嘅餐廳，包括環境、食物等等嘅因素都可以好引人注目，臨近冬至日子腦細請食飯，揀咗間睇落好有格調嘅中餐廳。彌敦道560號呢個商場好多野食，要搵到美食冇難度啦。不得不提呢間餐廳環境相當有格調，望落其實同一間酒吧完全冇分別，點都吾會估到系食中菜😂大致上有鮑參翅肚、海鮮、肉類、粉麵飯，菜式定價都幾高，好彩系腦細請🤪試咗一啲前菜先，金美椒低溫蟶子，就咁睇冇乜辣椒🌶️食戈陣便知有沒有🥵蟶子配以黑色魚籽好精美，蟶子雖然辣辣哋又不失原本有嘅鮮味。蟹肉酸辣羹，近年都好流行酸辣嘅菜式，呢度亦好入流咁用珍貴食材蟹肉黎配以酸辣湯底。酸辣湯其實吾會話好辣，好多人都啱食，蟹肉數量豐富。陳皮桂魚羹相對味道清淡，粒粒桂魚好滑同埋冇魚腥味👍🏼仲有好多菜絲，味道健康，食主菜前食都好適合。茶熏脆皮雞200幾蚊呢個價錢真系相當進取🙈🙊試吓系咪真系咁好食。一黎到侍應即刻問我地洗吾洗影相🤣因為會有啲煙出咗黎，打卡味道濃厚～碧綠脆炒飯到底系咩黎？表面有幾粒帶子，跟住有啲脆米。側邊戈啲先奪目，又綠又白咁系咩黎？💚🤍原來系混合咗菜苗加蛋白，食落吾系真系咁流質，反而系帶點挺身。