喜喜小廚 (已結業)

其實知道喜喜開了新分店好耐，一直提不起興趣去，今日食飯再諗唔到去邊度食所以就黎試下。門面都幾靚既，同舊式的喜喜好唔同，感覺乾淨d同企理d~ 見到佢有個常餐 menu，好似好豪華又健康咁，一於來一客。- 鮑魚火腿絲奄列 (轉多士)- 鮮茄什菌湯米線 (可多選一種配料)黎喜喜當然要食燒味啦，所以再多叫一個乳豬三寶飯，除了乳豬外，外加叉燒同油雞。鮑魚火腿絲奄列 (轉多士) : 多士好厚，有牛油香又脆口。個奄列真係有鮑魚同火腿絲，不過略嫌油左少少。鮮茄什菌湯米線 (加雞絲) : 個湯好鮮，應該無加味精，番茄同什菌好多 (其實我唔食菌，所以無試，哈哈) ，不過所謂的雞絲就得好少，只係象徵式的有兩小塊。乳豬三寶飯 : 睇落去個乳豬好脆呀，(嘻…..其實我唔係好食乳豬的，d皮太肥了) 不過見佢好似好薄好脆，所以臨尾都試左半舊，可能放耐左有少少淋，但係都ok又好薄，同埋無咩肥膏。叉燒都好味，不過我鐘意甜d，如果多少少麥芽糖就仲正 (太興好味d)。至於油雞都可以，雖然我地個碟所分到的比較鞋，好彩幾夠豉油味。總括黎講，可以再黎，不過我覺得佢為做生意，擺得太多檯，好迫好多人，坐得唔舒服囉。攪笑既係，一入去的