和記餐廳 (已結業)

😲 早前睇到Mill MILK訪問和記餐廳嘅訪問片段，而又睇到老闆娘出story話普遍大家都係關心幾時有music shows，反而冇人幫襯，所以搵咗一日朝早去食早餐。💪🏻 [ 亂闖試飲試食 ]🍜 牛柳絲蕃茄雜菜湯通粉 😋😋😋😋😋牛柳煎得好香好香，😚 切成條狀放放蕃茄湯度，令湯頭多咗一陣香烤牛肉味！蕃茄🍅湯本身都好足料，有大量嘅雜菜，多到睇唔到下面嘅通粉！通粉都冇浸腍晒，仲飲到蕃茄同雜菜嘅鮮甜！☺️ 🍽 火腿奄列加多士 😋😋😋😋依個餐比小編想像之中大份，火腿奄列🌮煎得乾身唔油，而且奄列入面同火腿絲都好濕潤。多士🍞細細份，搽咗一層牛油喺夾喺中間，麵包好軟熟又香牛油味。🧈 ☕️ 奶茶 😋😋😋😋香滑而茶味濃，飲完精神晒！😉 💁🏻‍♀️ 餐廳位於銅鑼灣同灣仔之間，喺鵝頸橋附近。裝修格局，特別係卡位有少少復古感，但牆身又貼咗好多現代流行音樂嘅海報，帶啲新潮感！🤩🙆🏻‍♀️ 最後，喜歡嘅話，歡迎follow @foodirectory.hk ！