Siam 28 (中國保險大廈) (已結業)

一向有去Siam 28 銅鑼灣食飯， 原來佢响尖沙咀開咗分店，所以 趁機去幫襯下新店。🍭泰皇咖哩蟹肉餅🦀係一個精緻嘅懶人前菜， 厨師將惹味嘅咖哩蟹肉放响薄餅上， 咁就可以優雅地將啖啖蟹肉慢慢品嘗，之前好似無响銅鑼灣食過，原來呢個係尖沙咀限定菜式。🥳🍭炸青木瓜沙律配自家制醬汁🦐🥗呢個係木瓜沙律嘅進化版， 將啲木瓜絲炸得脆卜卜， 然後沾上酸酸甜甜嘅泰式木瓜沙律醬， 味道新得嚟又似曾相識， 好特別， 最讚嘅係鮮蝦份量唔少， 新鮮度高，好鮮好彈牙， 一度以為食緊刺身蝦添☺️。🍭泰式濕炒海鮮“停頓”之麵🦑呢個又係特色菜， 係將啲麵脆炸定型懸掛半空中，勁吸睛😂；勁打卡❤️，然後直接將啲麵脆食戓沾醬汁都得， 一碟倆食。🍭龍眼茶， 椰汁芋頭蝶豆花沙冰🥥再叫倆杯特飲， 龍眼茶同椰汁芋頭蝶頭花沙冰， 倆杯都唔過份甜， 外型特別， 配住惹味嘅泰菜， 好清爽好好味。總括來說， 响SIAM28 嘅進餐體驗真係幾好， 好食又唔貴。