影片
更多
2010-04-12
185 瀏覽
來到比較新的置地文華東方酒店, amber的裝潢比較有時代感, 唔似傳統的高級法國餐廳, 星期六來到試一試佢地的lunch, 因為本人唔好而且唔識酒類, 所以選擇左無酒配的套餐($460另加一), 當中包括一杯免費香檳, amuse bouche, starter, middle course, main course, tasting deserts, petit fours 同埋咖啡或茶, 如果配餐酒或果汁則要$648另加一首先送上麵包, 有脆片, 橄欖包, 細百吉法包同小麥包, 配有鹽同無鹽牛油, 我自己偏愛百吉法包, 皮脆得來有麵粉香, 太座則覺得脆片不錯... amuse bouche有三種, 首先係鴨肝珍寶珠, 紅桑莓汁搽滿用鵝肝醬做成的球, 再加上紅菜頭片, 味道酸味味減低油膩感, 幾得意, 第二樣係叫croquette的炸球, 入面有好細粒的肉醉, 芥末醬做成, 但食落感覺好似千島醬的味道, 熱辣辣幾好味, 第三樣係mousse cup, 其實係椰菜花奶凍中間好似係希靈魚子, 底層係奶凍, 面頭鋪左一片用墨魚汁做的脆片, 食落去無咩特別, 雖然係好好用心思的開胃菜,
首先送上麵包, 有脆片, 橄欖包, 細百吉法包同小麥包, 配有鹽同無鹽牛油, 我自己偏愛百吉法包, 皮脆得來有麵粉香, 太座則覺得脆片不錯...
amuse bouche有三種, 首先係鴨肝珍寶珠, 紅桑莓汁搽滿用鵝肝醬做成的球, 再加上紅菜頭片, 味道酸味味減低油膩感, 幾得意, 第二樣係叫croquette的炸球, 入面有好細粒的肉醉, 芥末醬做成, 但食落感覺好似千島醬的味道, 熱辣辣幾好味, 第三樣係mousse cup, 其實係椰菜花奶凍中間好似係希靈魚子, 底層係奶凍, 面頭鋪左一片用墨魚汁做的脆片, 食落去無咩特別, 雖然係好好用心思的開胃菜, 但我唔識欣賞
starter我要最大路的鴨肝醬, 餐廳自己做鴨肝醬做得香醇, 當然無筋啦!! 面頭鋪左用生果做的酸甜醬, 減少鴨肝醬食起來的油膩, 並配上榛子,薑餅脆片同烘過的法包, 食得頗滿意的一道頭盤
middle course我選擇左帶子配lamb's lettuce, 南瓜同榛子, 帶子剛熟做得嫩滑, 而lamb's lettuce只係法國茶沙律用的菜葉, 食落無咩得別, 整體感覺麻麻
main course 我叫了餐廳名物iberian pork belly 配南瓜做成的gnocchi, 豬腩肉雖然肥膩, 但用慢煮方法煮成後又唔算好油, 食落去感覺似東坡肉, 但因為用上iberian pork , 肉味當然更濃, 肉比較有彈性, 只得一小件有點唔夠喉, 配上陳醋煮成的黑松露汁, 中和一下油油的感覺, 南瓜gnocchi軟燸, 的確係有水準的主菜
另嘗試了太太的主菜prime beef short rib braised in pinot noir & spaghetti wrapped oxtail, 估唔到prime short rib炆得比較韌 , 唔係軟熟的, 質感有d似牛腩, 但勝在肉味濃, 而用意粉包住的牛尾, 意粉皮做得煙韌, 唔會煮到腍晒, 完全無想像中的騷味, 而且味道濃濃的, 喜歡牛的食友千祈唔好錯過
tasting deserts係有三樣, 首先係西柚雪葩, 以冰雪加果汁為主, 西柚味濃, 而且帶有苦澀味, 感覺好真實, 不過呢個我覺得做間場清味蕾會更加適合, 第二樣係野生士多啤梨配蛋白奶凍同埋mascarpone雪糕, 野生士多啤梨細細粒, 味道偏酸但鮮味十足, 中和比較溜的芝士味, 第三樣係朱古力三重奏(個名我自己改的), 其實朱古力雪糕, 慕司同朱古力味的酥皮, 係用左濃度較高的朱古力做成, 味道不俗
petit fours的 品種雖多, 有macaron, 綿花糖, 梨撻, 玉桂糕, 有鹽味的焦糖拖肥, 但味道一般, 唔突出亦唔係好差, 而Cappuccino則奶味偏濃, 咖啡味偏淡, 兩者卻有點令人失望
雖然水準不錯, 但食物有如現代或新潮版法國菜, 加入左少許份子美食的原理, 主菜比較出色, 能夠配合同突出季節時令的食物, 但我自己卻偏愛傳統做法的法國菜, 埋單連加一每位盛惠$506, 下次再試下caprice...
張貼
