麻辣派對 (瑞生酒店) (已結業)

朋友想食辣野，今晚捉左我來，店內環境幾似酒吧格局，但就食川菜，唔深究咩關係，但場地都幾靚幾乾淨，入去嗅不到久久不散的川辣味，樓底幾高通風幾好。野食選擇好多，有酸菜魚、麻辣小菜、辣雞鍋，是旦叫一款都好大鍋，最終揀了麻辣雞鍋~麻辣雞蝦鍋組合 $312(雞半隻、海蝦、秀珍菇、土豆、BB辣)雞鍋大鍋揀了BB辣，都好辣，勁多辣椒，夾夾埋埋都有一小碟，個汁入口已辣慢慢感受到麻相當刺激。雞鍋有蠟燭助熱保持熱度。雞件半隻都足料，肉質唔會好鞋。海蝦新鮮彈牙，中蝦大小好入味，慢慢啜好惹味。薯仔好淋都入到味。秀珍菇滑嫩Ｑ彈口感。是不可或缺的配料。整體味道唔錯，刺激一下又幾好。最後，侍應送上兩小杯甜品桂花啫喱，解辣啱晒。