NENE CHICKEN (朗豪坊)

營業中

休息中

突然好想食韓國菜，所以同朋友黎到朗豪坊嘅NeNe Chicken。餐廳以黃白色可愛風作為格調，搞到我好想食炸雞~於是就即刻叫咗招牌炸雞(有骨全雞，$150)，一見到金黃色已經流哂口水，外層香脆，雞肉嫩滑，非常juicy，又唔油膩，而且估唔到件件都咁大舊，物超所值。明洞小食派對($138)，今次人比較多，個個人都想食唔同嘅野，叫依款小食派對就啱哂，有炸韓式餃子、炸年糕、炸紫菜粉絲卷、芝士年糕魚糕串等等。我就特別中意炸年糕，外脆內軟，好煙韌。魚糕串亦都唔錯，有拉芝嘅效果。最意想唔同嘅係，粉絲卷餡料多到爆。迷你雞蛋卷(泡菜，$78)，自己係屋企整唔出雞蛋卷，出到黎緊係叫番碟。賣相100分，上面鋪咗滿湖嘅蟹籽，厚身嘅雞蛋卷有濃濃嘅奶香味，冇揀到明太子而揀咗原始嘅泡菜，非常惹味。