影片
更多
2018-09-29
138 瀏覽
終於捱到星期五，放工後約埋小鬼喺 apm等，先去行 outlet，然後一齊去搵食，而今次嘅目標就係位於興業街嘅「菲菲麵館」。事緣早前同小鬼嚟觀塘食晏，發現 The Wave 1 樓開咗間新潮麵食店，瀏覽過餐廳網頁，原來店子除咗主打車仔麵外，仲有芝士汁撈公仔麵、越式撈檬、湯飯同小食等供應，所以一早就 bookmark 咗呢間餐廳，趁這晚嚟開觀塘，就一於過嚟試下。店內地方頗大，環境光猛，近門口左手邊係半開放式廚房，而用餐區就分為左右兩邊。右手邊以四至六人檯為主，座位寬敞舒服；而左手邊就擺放咗兩排高腳檯櫈，配上牆身嘅一大幅觀塘縮影壁畫，裝潢奪目搶眼，跟一般嘅車仔麵店好唔同，令人眼前一亮。打開餐牌，店裡嘅麵食，選擇非常豐富，有一系列芝士汁撈公仔麵、蕃茄濃湯烏冬、日式咖哩湯/撈烏冬、肉碎湯飯、波士頓龍蝦系列、酸麻雞湯米線系列、牛骨濃湯系列、低卡推介檬粉、車仔麵組合、車仔麵系列、小食、麻辣燙、招牌大雜薈、油菜同飲品等。車仔麵可自選配料，而麵底亦有成 10 款，選擇甚多，價錢豐儉由人。 先點兩客小食，然後再每人揀一款麵，齊齊分享。小食點了麻辣牛展 ($28) 同麻辣火雞腎 ($32) 各一，牛展
終於捱到星期五，放工後約埋小鬼喺 apm等，先去行 outlet，然後一齊去搵食，而今次嘅目標就係位於興業街嘅「菲菲麵館」。事緣早前同小鬼嚟觀塘食晏，發現 The Wave 1 樓開咗間新潮麵食店，瀏覽過餐廳網頁，原來店子除咗主打車仔麵外，仲有芝士汁撈公仔麵、越式撈檬、湯飯同小食等供應，所以一早就 bookmark 咗呢間餐廳，趁這晚嚟開觀塘，就一於過嚟試下。
店內地方頗大，環境光猛，近門口左手邊係半開放式廚房，而用餐區就分為左右兩邊。右手邊以四至六人檯為主，座位寬敞舒服；而左手邊就擺放咗兩排高腳檯櫈，配上牆身嘅一大幅觀塘縮影壁畫，裝潢奪目搶眼，跟一般嘅車仔麵店好唔同，令人眼前一亮。
打開餐牌，店裡嘅麵食，選擇非常豐富，有一系列芝士汁撈公仔麵、蕃茄濃湯烏冬、日式咖哩湯/撈烏冬、肉碎湯飯、波士頓龍蝦系列、酸麻雞湯米線系列、牛骨濃湯系列、低卡推介檬粉、車仔麵組合、車仔麵系列、小食、麻辣燙、招牌大雜薈、油菜同飲品等。車仔麵可自選配料，而麵底亦有成 10 款，選擇甚多，價錢豐儉由人。 
先點兩客小食，然後再每人揀一款麵，齊齊分享。小食點了麻辣牛展 ($28) 同麻辣火雞腎 ($32) 各一，牛展肉切成薄片，中間帶少許筋膜，肉質肥瘦適中，煮得入味又夠腍，入口軟熟得嚟仲帶點香辣。火雞腎味道亦不俗，每件大小相若，入口無渣，爽脆彈牙又唔會過硬，加上辣度夠惹味，嗜辣者必嘗。
麵食方面，揀咗芝士波士頓龍蝦(半隻)肥牛烏冬 ($88) 同芝士汁燒豬頸肉紅腸撈公仔麵。烏冬嘅湯底係用龍蝦頭等海鮮熬成的海龍皇湯，完全無落味精，入口帶蝦油香氣，味道甘甜。龍蝦雖然不算十分大隻，但膏量極多，而且肉質彈牙，入口鮮甜有嚼勁，加上面頭鋪滿半溶芝士，食落勁滋味。肥牛雖然並非頂級靚貨，但滿有牛味，而烏冬亦煮得頗煙韌，口感十足。
至於呢碗芝士汁燒豬頸肉紅腸撈公仔麵 ($58)，碗內嘅麵條完全被芝士醬汁覆蓋，超誇張，應該用咗唔少芝士去整。醬汁面頭鋪咗 5 件豬頸肉同 3 片紅腸，分量絕不欺場。先將麵條同芝士撈勻，麵質食落比較腍身，不過芝士就下得非常重手，入口 creamy 得嚟又夠 cheesy。豬頸肉烤得好香，夠曬爽滑，加埋煎過嘅紅腸，食落別有一番風味。
另外，每張檯上都放有調味料，有甜醬、豆瓣醬、辣椒油等，客人可以隨意用來配麵條吃。
飲品選擇不多，只有樽裝飲品、汽水同港式飲品等，點了冰糖雪梨 ($10/跟餐價) 同豆漿 ($10/跟餐價)。食完仲可以繼續飲下野、傾下偈，店員亦無催促我地走，服務水準不俗。
張貼
