好叉好味 (禧利街)

營業中

休息中

聽同事講附近開左間新既外賣叉燒飯店，話可以encore，所以特登買黎試下！可能新開張，感覺幾乾淨，幾企理的，點左一個辛麻叉燒菜飯，$58又唔貴喎，wow, 仲好大杯添呀，諗住可能都係得面頭幾舊叉燒，下面得飯，點知佢係一層飯一層叉燒的，都幾多叉燒下喎！叉燒半肥瘦，好夠淋，有少少焦燶邊，夠惹味，又真係幾唔錯喎！第一次食有麻辣味既叉燒，又真係幾夾架喎，夠麻味又唔係太過辣！同埋我鍾意佢有菜飯呢個選擇，可以lunch 有啲菜食下嘛！最後我都食唔哂d飯，份量好足，相信一個大食既男仕都會夠食！同事果然無介紹錯！喺上環返工或住既朋友都可以去試下！