龍點心 (Eastcore)

營業中

休息中

呢間點心有別於傳統茶樓，見佢款式都多而精緻，所以邀請朋友同我一齊試下。我地四人叫左大概10樣點心，有紅米脆脆腸粉，見佢紅色外面係吱左沙律醬，同平時食開唔同，佢真係好有驚喜，突破左傳統，薄薄既皮，裹面脆口而且有蝦肉，係好夾！黑金流沙包，外皮係黑金色既，裹面係流沙奶黃，呢個只係外表比以往食既既唔同，至於味道上，蛋黃香係夠，但呢個一定要趁熱食！凍左就好難食了！鳳爪拼金錢肚，每次去飲荼都一定會呢兩樣，牛肚夠淋，而且醬汁都係少辣，係幾香口惹味既。肉鬆馬拉糕，呢個都係比較少見，馬拉糕係少甜，但配左咸咸地既肉鬆中和番就岩岩好，而且肉鬆增加左成個糕既口感。拉絲菠蘿包，有３個超迷你既菠蘿包，其實唔係好食到入面有咩特別口味，亦都冇拉絲，唔知個特別位係邊。一口咸水角，有兩隻顏色，真一小口就食完，唔想油膩感咁重可以叫呢個。馬拉小籠包，可能我食唔慣，超重味，而且裹面冇肉汁。總括黎講，呢間點心係唔差，下次有機會再試下其他。