東海堂 (港鐵牛頭角站)

營業中

休息中

無幾可要出九龍嘅客度！真係好日先去一次！去完客度有啲肚餓，反正要搭地鐵返公司，經過見到東海堂，順便睇吓新出嘅北海道冰皮月餅系列，$50 兩包，每包兩個，價錢合理，每款口味都有散裝賣；望吓啲麵包，好似好可憐坐監咁，等我揀個放出嚟啦！咦！甘栗包係新出喎，一於夾返個。甘栗包 $6.5東海堂多數麵包係 $6.5，呢個包嘅 size 都比較正常；原來啲栗子蓉餡，就係包面見到果一 pat ！以為啲餡由面到底，真係令人失望！食落幾滑，仲有忌廉味，但係唔多見有忌廉，唔會太甜；個包本身好似麥包嘅啡色，微甜，唔會搶咗主角栗子蓉嘅甜味，成個包幾好食！