影片
更多
2018-05-22
409 瀏覽
以前喺大鴻輝附近返工，周不時都會同同事去食雞煲打邊爐，一排無黎原來開左間放題，大食如我當然要試試六點半去到已經有唔少人等梗位，好在餐廳環境大，唔洗等好耐就入得。空間大到有自助沙律吧同甜品+飲品櫃，海鮮類望落都幾新鮮，加分甜品選擇多，至少有十幾款，蛋糕、Mousse、果撻、和菓子各式各樣都有。食放題最緊要係個刺身，賣相睇起黎都好新鮮，特別點評幾款味道較出眾既～帶子：大細剛好，唔會太細粒，新鮮肥美，無雪藏味。吞拿魚：難得唔腥，有口感，唔會好似出面有啲食落好膠咁。油甘魚：入口易化，鮮甜唔會腥。呢間放題既壽司種類比較多，岩哂中意食壽司既人，但我地兩個女仔食得唔多，所以試唔哂咁多款，唯有等下<松葉蟹棒壽司伴蟹面豉：蟹面豉味道唔算突出，但蟹棒好大條胡椒柚子醬伴中拖羅：同刺身一樣新鮮得黎唔腥，胡椒味偏重，但兩者幾夾，食起黎幾特別。焗蠔北海燒：蠔大小適中，配料好豐富，有菇、洋蔥、薯仔，落左勁多芝士好creamy意式焗薯：比較少見既一款，用薯仔片堆砌成既小山丘，用蕃茄同芝士焗製而成，好有飽足感。地獄辣蜆食唔出辣味，但個湯調得好惹味，忍唔住翻兜左兩次！如果蜆大隻啲會更好。鐵板牛柳粒牛柳粒無筋唔韌，
一排無黎原來開左間放題，大食如我當然要試試
六點半去到已經有唔少人等梗位，好在餐廳環境大，唔洗等好耐就入得。
空間大到有自助沙律吧同甜品+飲品櫃，海鮮類望落都幾新鮮，加分
甜品選擇多，至少有十幾款，蛋糕、Mousse、果撻、和菓子各式各樣都有。
食放題最緊要係個刺身，賣相睇起黎都好新鮮，特別點評幾款味道較出眾既～帶子：大細剛好，唔會太細粒，新鮮肥美，無雪藏味。
吞拿魚：難得唔腥，有口感，唔會好似出面有啲食落好膠咁。
油甘魚：入口易化，鮮甜唔會腥。
呢間放題既壽司種類比較多，岩哂中意食壽司既人，但我地兩個女仔食得唔多，所以試唔哂咁多款，唯有等下<
松葉蟹棒壽司伴蟹面豉：蟹面豉味道唔算突出，但蟹棒好大條
胡椒柚子醬伴中拖羅：同刺身一樣新鮮得黎唔腥，胡椒味偏重，但兩者幾夾，食起黎幾特別。
焗蠔北海燒：蠔大小適中，配料好豐富，有菇、洋蔥、薯仔，落左勁多芝士好creamy意式焗薯：比較少見既一款，用薯仔片堆砌成既小山丘，用蕃茄同芝士焗製而成，好有飽足感。
地獄辣蜆
18 瀏覽
0 讚好
0 留言
食唔出辣味，但個湯調得好惹味，忍唔住翻兜左兩次！如果蜆大隻啲會更好。
鐵板牛柳粒
12 瀏覽
0 讚好
0 留言
牛柳粒無筋唔韌，火候岩岩好，入口肉質軟嫩，用乾蒜煎成味道好香口。
芝麻雞翼
14 瀏覽
0 讚好
0 留言
外皮煎得好脆，咬開雞肉係剛熟既程度，肉汁豐富，肉質嫩滑，好好味
壽喜牛肉鍋
27 瀏覽
0 讚好
0 留言
壽喜燒湯底清甜味美，牛肉片切得好薄身，以湯既溫度慢煮至熟，keep到肉嫩同牛味，
裡面有啲菇同菜，食落fresh啲可以調劑下放題既油膩。
秘製牛肋骨煲
19 瀏覽
0 讚好
0 留言
醬汁有啲似紅酒燴牛尾果種，濃郁惹味，一兜有六七舊大舊既牛肋骨，
肉質好嫩，入口即溶，好味到唔識形容，一個人食左兩兜
好既甜品對一餐晚飯有畫龍點晴既效果，特別表揚呢幾款精緻既甜點～Brownie：用苦甜朱古力製成，唔會太漏，表面仲有朱古力醬，朱古力控必試！
自家製蛋撻：外皮薄+脆身，有牛油味，裡面既蛋液甜度剛好。
檸檬撻：同樣外皮薄+脆身，檸檬味好清新，果醬好creamy。
雖然食物選擇唔算好多，但大部分都好高質，以呢個價錢黎講性價比高，
以後想食放題唔洗出到九龍咁遠啦
張貼
