影片
更多
2017-01-18
285 瀏覽
去咗荃灣一間叫El Cerdo嘅餐廳食西班牙菜,入面擺咗各色各樣嘅酒樽,似係酒精圖書館咁.水吧嘅配套同酒吧大同小異.餐廳簡簡單單咁用咗一頁紙做餐牌，貴精不貴多，由菜名上睇都幾啱平時嘅口味，於是試咗幾樣嘢食同cocktail.香辣脆炸大蝦嘅蝦殻炸得酥脆,可以成隻連殻一齊食,蝦肉唔韌,表面灑咗啲辣粉,幾香辣惹味,蘸碟上嘅醬汁嘅話就有少少酸香.蒜蓉香草燒魷魚嘅魷魚肉彈牙,用蒜蓉,辣椒同香草調味幾醒胃,唧檸檬汁嘅話就可以提味.西班牙肉粒炒飯嘅面層鋪咗西班牙辣肉腸,豬腩肉,漢堡牛扒同串燒羊肉.飯入面就有青豆,切粒紅椒,西班牙辣肉腸同雞肉等等,米粒肥大,帶水份同仍然有啲咬口.配料嘅西班牙辣肉腸有嚼勁味濃,豬腩肉就切得比較厚,漢堡牛扒肉質扎實,串燒羊肉羶香,啖啖肉咁,唧埋檸檬汁嘅話就可以平衡一下.香脆玉桂條配朱古力醬,即係米字形同表面沾咗肉桂糖嘅油條,每條大約係手指嘅大小,炸得外脆口內鬆軟,可以蘸埋稍為流質嘅榛子朱古力醬嚟食.Sangria,呢款係西班牙嘅傳統cocktail,用咗白蘭地,橙酒,紅酒同橙汁調成,仲加咗切粒鮮蘋果同鮮橙,飲起上嚟幾有果香.
去咗荃灣一間叫El Cerdo嘅餐廳食西班牙菜,入面擺咗各色各樣嘅酒樽,似係酒精圖書館咁.
水吧嘅配套同酒吧大同小異.
餐廳簡簡單單咁用咗一頁紙做餐牌，貴精不貴多，由菜名上睇都幾啱平時嘅口味，於是試咗幾樣嘢食同cocktail.
香辣脆炸大蝦
26 瀏覽
1 讚好
0 留言
蒜蓉香草燒魷魚
33 瀏覽
0 讚好
0 留言
西班牙肉粒炒飯嘅面層鋪咗西班牙辣肉腸,豬腩肉,漢堡牛扒同串燒羊肉.飯入面就有青豆,切粒紅椒,西班牙辣肉腸同雞肉等等,米粒肥大,帶水份同仍然有啲咬口.配料嘅西班牙辣肉腸有嚼勁味濃,豬腩肉就切得比較厚,漢堡牛扒肉質扎實,串燒羊肉羶香,啖啖肉咁,唧埋檸檬汁嘅話就可以平衡一下.
香脆玉桂條配朱古力醬,即係米字形同表面沾咗肉桂糖嘅油條,每條大約係手指嘅大小,炸得外脆口內鬆軟,可以蘸埋稍為流質嘅榛子朱古力醬嚟食.
Sangria
32 瀏覽
0 讚好
0 留言
張貼
