合興車仔麵

營業中

休息中

朋友帶咗我嚟佢話覺得元朗最好食嘅車仔麵，我咁耐都冇食過，今日就試吓啦。如果唔係住元朗，其實個位都唔容易搵。豬紅豬腸係我嘅車仔麵必點之選，朋友就推介我一定要試吓佢個咖喱魷魚！服務態度非常好👍好似圖中所見，份量係非常多，對女仔真係好難食得晒，但由於太好食，我哋都食晒。我叫咗小辣，比想像中辣好多😖而咖喱魷魚對我都係非常之辣，但係係非常惹味👍豬腸唔算太肥，係我鍾意嘅類型。豬紅都非常爽口。唯一一個唔好處，就係無奶茶飲😭對於新界西來講，我覺得佢個車仔麵真係可以稱霸。