中哥廚房 (已結業)

新疆大盤雞($198)司令一向中意食啲大漠風情既菜式😛。今次尼間餐廳，既有港式小炒亦有新疆菜，難得見到，當然要試一試啦。大盤雞等左半個鐘先上枱，陣味好淫賤啊，食落非常濃味，半隻雞肉唔多，不過夠滑，連薯仔都炆得好淋好入味！底下仲有手工麵，索曬汁好好食喎。叫左中辣，辣度相當足夠，但唔會好似川菜咁辣到嘴到痺，好香好辣食完仲想食。記得叫返個新疆手抓飯配住黎食！