Candy Shake (已結業)

係登打士附近行，見到有間甜品店大力sell芝士撻，話說芝士撻我出咗咁耐都未食過，係咪都試下。由於剛剛食完din，表弟妹都食不了太多，我就要咗個紫薯撻嚐試下。話說個撻咁靚，成個藝術品樣，左影右影先咬第一啖，即刻星星眼！芝士味特別厚重，creamy，薯蓉香甜，牛油皮亦酥脆，必試！雪糕方面就差強人意啦，出品果陣，仙煙四散，仿佛好好味，落口就失望。比利時朱古力雪糕口感稍澀，唔够軟滑，朱古力味略輕。芝士雪糕有種說不出的奇怪，鹹甜不相融，沒有奶香味，品唔出味道。表弟的荔枝梳打聞起來特別香甜，小酌一啖，的確唔錯，好過雪糕。So，成間店性價比ok，芝士撻作為主打的確好味，飲品亦調得幾好，雪糕就真心一般。